Ddydd Sadwrn, bydd Rowndiau Terfynol Cynghreiriau Adrannau 2-5, ac yna ddydd Sul bydd Rowndiau Terfynol yr Adran Gyntaf, Y Bencampwriaeth a’r Uwch-gynghrair.
Bydd y penwythnos o gyffro yn dechrau gyda Dinas Powys yn herio Blaendulais. Dim ond un gêm arall sydd rhaid i Ddinas Powys ei hennill yn y cynghrair i gipio teitl Adran 5 yn y Dwyrain, tra bo Blaendulais hefyd yn cael tymor da ar frig y 5ed Adran yn y Gorllewin. Ar hyn o bryd mae ganddynt 12 pwynt o fantais dros y Rhigos sy’n yr ail safle.
Enillodd Tonna Darian Undeb Rygbi Cymru yn 2022 ac maen nhw’n nôl yn Stadiwm Principality ddwy flynedd yn ddiweddarach i wynebu Saraseniaid Casnewydd, sy’n drydydd ym Mhedwaraedd Adran Cynghrair y Dwyrain.
Cwins Caerdydd yn erbyn y Blaenau (Gwent) fydd y gêm nesaf yr arlwy. Bydd y Cwins yn gobeithio efelychu camp eu tîm hwb merched o dan 16 a’u tîm ieuenctid – gan bo’r ddau ohonyn nhw eisoes wedi ennill eu rowndiau terfynol nhw yn y Stadiwm eleni.
Y gêm olaf o’r diwrnod fydd Rownd Derfynol Adran 2 rhwng Porthcawl a Llanharan. Cafodd Porthcawl fuddugoliaeth swmpus o 74-17 yn y cynghrair yn erbyn Pencoed y penwythnos diwethaf tra i Lanharan drechu’r Bont-faen o 21-16.
Os na allwch ddod i Stadiwm Principality – bydd modd gwylio’r holl rowndiau terfynol ar lwyfan You Tube Undeb Rygbi Cymru. https://www.youtube.com/live/wYgJJvXMXww?feature=shared
Dydd Sul, 7 Ebrill
Rownd Derfynol yr Uwch-gynghrair – 5:35pm
Llanymddyfri v Merthyr
Rownd Derfynol y Bencampwriaeth – 3:15pm
Y Bargôd v Ystrad Rhondda
Rownd Derfynol Adran 1 – 1pm
Llanelli v Glyn-nedd
Dydd Sadwrn, 6 Ebrill
Rownd Derfynol Adran 2 – 5:45pm
Porthcawl v Llanharan
Rownd Derfynol Adran 3 – 3:30pm
Y Blaenau v Cwins Caerdydd
Rownd Derfynol Adran 4 – 1:15pm
Tonna v Saraseniaid Casnewydd
Rownd Derfynol Adran 5 – 11am
Dinas Powys v Blaendulais
